Videos: 自己行街街...

同Grandma, Papa & Mama 去街好開心...



自己响Richmond Centre 行街...

Videos: 我的第二個聖誕

响剛過去的聖誕週末, Mama & Papa 又帶我去Nanaimo 同Grandma, uncles,等人一起過節! 16個月大的我有好多新體現...

Video 1: 喜歡爬樓梯



Video 2: 喜歡自己坐在椅子上吃東西



Video 3: 第一次戴(聖誕)耳環



Video 4: 第一次坐又大又舒服的La-z-boy搖搖椅




Video 5: 坐完Uncle Pat屋企嗰張La-z-boy之後, Mama 決定買一張俾我响屋企坐... 所以有以下第一次行傢俱店的短片! (不過要等兩個月先有送貨! 嗰個店員話我係個店內最細個的顧客...)



另外, Mama 放咗唔少新相片在我响facebook 的16個月大的相簿內. 大家記得去睇吓啦...



Grandma 同我戴咗對耳環, 我係咪好迷人呢?! 嘻嘻~~~

今日飯聚 + 16個月大的相簿

今日, Papa & Mama 帶我去見Yvonne & Veronica 姨姨...同佢地的屋企人一齊去Starlight Casino的Kirin食午飯, 嗰度D 嘢好好食...

當然唔少得收聖誕禮物啦...

我响個酒樓行咗好多個圈, 已經熟哂嗰度D 環境lu~~~

Mama响facebook度仲同我開多一個相簿: Julia Fung - 16 month old, 得閒記住去睇吓啦... 嘻嘻!

15個月大的相簿

由於工作太忙, 從未有時間在這裡上載過Julia 十五個月大的照片...

請到facebook看看那時的照片: Julia Fung - 15 month old

同聖誕老人影的相片

肚餓嘛... 個表情係咁上吓架啦...


Mama 做乜 dum 低我俾個陌生人抱我呀? (之後好唔開心咁喊咗一陣)

上個星期六係"爬地日" (party day)

上個星期六係"爬地日", 早上有Mama公司的Breakfast with Santa (同聖誕老人食早餐), 不過去得太遲, 去到已經冇嘢食, 我同Mama都好餓!!! 幸好最後還能同聖誕老人影相. (遲D會有同聖誕老人影的相...)

好彩當晚Mama仲有聖樂團的爬地... 我玩得好開心...

快D 去facebook的Julia Fung - 2nd Christmas 相簿睇相片啦...

只要有新相片, 呢本相簿會在這個聖誕期內就會更新gar 啦...

Video: Julia第一次食Pizza

Julia 今晚看見我食pizza, 佢又想食... 一食之下, 停唔倒口... 直到盒子同塊pizza跌咗落地為止... 哈哈...

Video: Julia 開始走路啦...

這是昨天才拍攝的短片... 紫紫B開始會走路了!!!

Video: Julia 跳舞

Julia未識行就先跳舞了.... 哈哈...

Video: Julia 應該好快識行lu~~~

Julia 現在好努力咁學走路, 希望能贏舅父一個馬鼻, 响16個月大時會行, 哈哈...

Video: Julia就快識企啦...

這是昨天才拍攝的video... 新鮮滾熱辣o架...

睇來Julia可以逹到17個月大時識行的目標lu~~~ 呵呵呵!!!

(回想起來, Julia到14個月大左右才開始用四肢來爬行, 比別人遲識行路都好正常! 估計佢舅父細個時大概都係咁囉...)

Video: 紫紫B喜歡爬入乾淨的洗衣籃玩

這是前幾日拍攝的短片...

今日已發現紫紫B唔單只會自己爬入個籃度玩, 仲識得自己爬番出來tim 呀...

Video: Mama喂紫紫B, 紫紫B喂Mama

紫紫B說: Mama每天放工回家都好肚餓, 所以Mama喂我食晚飯時, 我又喂Mama食我的小吃...

Mama說: 實情係... 紫紫B覺得只是吃很悶, 食冇耐就覺得煩, 要走人! 為了保證她吃飽, 只好一邊玩一邊食, 等佢覺得有趣, 佢才願意進食, 直到食飽為止!!!

Video: 紫紫B喜歡砌blocks

Video: 喜歡扭腰的紫紫B

唔知點解, 紫紫B咁中意扭動身體... 好似在早上, 每當尿片濕咗, 讓佢瞓响度換片時 (唯一時候可以這樣換片, 其餘時候佢都要站著換...), 佢就會咁樣扭扭吓... 好過癮!

唔知其他BB係唔係都係咁o既呢?!

Video: 紫紫B喜歡吃刨碎的芝士

Video: 阿紫餐後實況

每次喂完Julia吃飯後, 都像打完仗般凌亂不堪...

Julia 會用吸管杯子

突然又剛剛發現, Julia會用吸管杯子...

點解? 因為俾佢用一般的啜飲杯子, 沒有吸管, 佢又唔中意抬頭喝水, 所以我突然想起為什麼不再讓她試用有吸管的杯子...?!

一試之下, 果然成功!!! 馬上拍照記錄下來...


唔信?! 你睇...!!!


放張大特寫相片俾婆婆睇吓我個高高地的鼻樑先得... 哈哈...

Videos: 阿紫開餐實況

紫紫B最近開始試用自己的小匙, 當然還不能真的用它來進食, 但看著她吃東西時的樣子幾有趣!

呀... 佢仲中意邊吃邊玩tim呀!

短片一:



短片二:



短片三:

Video: 紫紫B食日本麵條

快速記錄

今晚臨睡前, 必須要做一個很快的記錄!

就是今晚我 (Mama) 連續發現紫紫B突然能自己站立3 至4秒左右... 可能趕得及在萬聖節時到商場自己走路去向人要糖果呢!

嘻嘻~~~

迎紫生活隨拍 (24)

紫紫 B 一邊吃一邊玩, 吃完繼續玩...



紫紫B說: 睇我o既笑容幾燦爛?! Mama, 點解你個樣咁殘?
Mama說: 因為有人要我零晨兩點起來喂奶囉... 嗰個係邊個呀?



Mama 說: 紫紫B, 我地啱啱去完街返來, 你做乜仲拎住個diaper bag四圍爬呀?
紫紫B (用眼神) 說: 我撬咗個diaper bag响手臂度之後, 唔識得點除番出來...


另外, Mama 前日又買咗新的BB車給我... 因為我現在喜歡看周圍發生的人和事, 坐大BB車時, 好多嘢都睇唔倒...

唔係只有我有咁o既想法, 連我個朋友Manizha (11個月識行嗰個...) 都一樣呢...

想睇吓Mama買咗乜嘢BB車給我, 可點擊下列連接:

我的新BB車

Julia 的初吻

今早是一個非常特別的一個早上. 因為Julia早上一醒過來便傻笑幾聲, 跟著突然用她的雙唇放在我鼻子和嘴唇中間位置, 很響亮"啵"的的一聲, 親吻了Mama 一下. 讓Mama一整天都在回味那個又響又香的吻...

Julia 學會了聽電話?!

10月10日, 我突然發現紫紫B會做出聽電話的動作, 是以前從未見過的, 所以馬上拍下來!

圖一: 俾Mama發現我响度講緊電話tim ~~~


圖二: (唔理Mama) 好唔得閒咁款, 仲响度講緊~~~


圖三: 紫紫B呢個動作好似 "收線" 咁樣啵~~~

Video: 紫紫B第一次玩波波池

今日, Papa & Mama 帶我去Crash Crawlys 玩, 仲認識咗兩個新朋友, 係Mama 的舊同學的兩個女兒! 佢地係日葡混血兒, 好靚女o架...



去到Crash Crawlys, Papa馬上放我去波波池度玩, 開始時有D驚, 因為好多人, 又好嘈, 唔知發生乜嘢事!

又放我响滑梯上, 我都唔知自己响邊度, 好迷茫~~~

不過後來習慣咗之後, 覺得其實那個波波池都唔錯...

Video: 紫紫B懂得把食物放回包裝袋內

不知是否在托兒所那裡學的呢?! 我覺得自從她去托兒所之後, 學東西好像更快...

讓我總結一下, 現在Julia 會說什麼:

"Ma..."
"Ba..."
"Stop"
"Ga gai" (唔知係乜意思)
"Bab..." or "bob?!"
"Up..."
"Ah Ji..."

還有好多其他聲音, 但唔知怎形容.

另外, 她的模仿力很強... 最近我帶埋佢去買防晒霜, 那個sales把產品擦在手背, 之後兩手來回塗抹, Julia 突然也學那個sales 一樣, 做兩手來回塗抹的動作, 一模一樣的好可愛!

Video: 紫紫B隨音樂擺動身體

今晚Mama帶我去散步

今晚, Mama 下班和喂我吃晚餐後, 帶我去逛商場. 在The Bay試玩這個玩具!
Papa 話他會給我買一個... 好嘢!!!

Video: Julia已經識玩她Papa做BB時的第一個玩具

迎紫生活隨拍 (23)

Papa 在晚上陪我看Baby Einstein DVD...


我爬咗上梳化上看Baby Einstein DVD...


Grandma把我放在桌子上...

Videos: 爬梳化

最近, 我學會了爬梳化 (sofa)...

一時爬上... (Mama 見我爬上去坐响度有D驚險, 所以拿鏡頭唔隱!)




又爬番落來...

Video: 同Grandma在一起, 學站學得很開心...

Video: Julia 開始識分形狀?

Video: 特別 post 給外婆同舅母睇的blog

Hello, 婆婆 & 舅母...

今日, Mama 特地同我穿上從香港來的衣服... 話要我呢個响加拿大出生的"香蕉妹妹"都做吓 "港女"喎... 嘻嘻!!!

Video: Julia 吃飽了

Hello 大家好...

現在讓大家看看我食飽之後一般會做的反應, 讓Mama知道我吃飽了要去玩吶...

Video: Julia已經會抺東西?!

Julia 13個月大的Facebook相簿

大家可點擊以下連結看紫紫B 13個月大的相簿...

這裡

Video: Julia 識講 Stop!

Video: Julia 識叫自己的中文名?!

昨日, Edward說托兒所的人告訴他Julia開始識講那兒一些女仔的名字.

於是今天我便打電話去詢問一下, 想知道Julia會講什麼...

那兒的人說Julia會說Stop, Diapee (尿片, 含BB口音, 哈哈...) 我今晚真的聽到她說stop呢!!!

昨晚我同弟媳用email溝通, 得她提醒要盡量同Julia 錄音, 錄下她說話的BB口音...

所以我馬上用video camcorder 錄咗Julia近日會說的"Ah Ji", 感覺她好像在叫自己做"阿紫"...

註: 現在托兒所的人員正在訓練Julia如厠同走路!!!

開心紫紫B

平日喜歡用雙腳夾住D玩具來玩!!!


唔知點解咁開心...

Video: 今日學爬樓梯

响剛過去的星期六上午, Mama 帶我去見Dr. Luk, 做身體檢查同埋打預防針.

Dr. Luk問咗Mama 一些問題, 例如:

- Julia 識行未?
(Mama 答: 仲未, 不過喜歡站立同學走路.)

- Julia 幾時學會自己坐?
(Mama 答: 7個月大時...)

- Julia 識講話未?
(Mama 答: 佢成日講嘢同大叫, 不過唔知講乜! 都會說ba, ma, 等!)

- Julia 識唔識爬樓梯?
(Mama 心想... 唉呀!未俾佢爬過喎, 不過~~~ 答: 未爬過樓梯, 但見過佢有一次自己爬咗上張梳化度...)

如是乎, Mama 回家後把樓梯抺乾淨, 讓我開始學爬樓梯... 點知... 嗰條樓梯好長好高, 好得人驚~~~

我唔識爬呀!

去片~~~



以後仲有排要"特訓"呀~~~ 條樓梯咁長, 幾時話啦至爬到上去呀?!

慘囉...

Video: Julia 和 Manizha

上個星期六, 我個friend - Manizha 同佢爸爸媽媽來探我, 仲送我生日禮物tim~~~

佢好犀利, 細我一個月, 不過已經識行啦...

嗰日我同佢一起玩波波, 食手指餅干, 不之幾開心...

Facebook有銀子的一歲相簿

Hello 各位,

由於Mama現在要上班了, 下班後又要馬上照顧我, 所以忙得要命! 無法像以前咁常常post我D生活相片上來.

所以請大家去Facebook看我的相片... Mama通常都會把相片放上去. 一有新相片, 就會放在那裡, 大家記得多D去那裡看看有沒有新相片啦...

去看相片

Videos: 玩生日氣球 / 同Papa雞同鴨講

短片一: 玩生日氣球

Papa 拍的短片, 冇講嘢! 係咁睇住我好暴力咁玩D氣球, 睇足4分鐘... 條片咁拍法, 唔悶就假lu~~~ 不過我諗公公同婆婆會睇到過足癮囉...




短片二: 同Papa雞同鴨講

有一日, Mama放工回來, 看到我同Papa好努力咁溝通, 覺得好過癮, 就拍咗呢條短片!

講咗幾分鐘, Papa 都唔知我想點... 真係~~~ 唉! 到最後我都冇哂耐性, 佢話同我去沖涼, 又坐响度唔郁!!!



都係Mama醒目, 催Papa快D同我去洗澡....

就係咁, Papa終於知道咗我想講乜吶... 原來係我開咗大, 想要換尿片呀...

唉~~~ 終於有涼沖了...

一歲生日"爬地"相片

請到此連結看生日party的相片: 看相片

Videos: 我一歲啦!!!

上個星期四 (8月12日), 我同Grandma一起過我人生的第一個生日... 在星期六開了party! 由於Mama工作後太忙, 無法即時上載圖片和短片.

現在我睡著了, Mama馬上抽空, 先把個短片放上來和大家分享...

短片一: Mama在她那漫長的產假完結前, 在上個星期三, 偷拍我在托兒所的情況.






短片二: 上個星期六的生日"爬地" (party), Papa忙著拍照, Mama忙著拍攝這個短片, 所以由Auntie Yvonne的老公Uncle Jeff來幫忙點蠟燭!

長週末好開心

這個剛過去的長週末, 我好開心! 因為Papa & Mama 同我去街...

在星期六, Papa & Mama 帶我去Stanley Park坐迷你火車同埋睇動物! 仲同Mama share 佢個雪糕甜筒tim~~~

現在放D相片上來~~~


看! 我足緊Mama的手腕, 把雪糕甜筒放到自己嘴裡吃~~~


我同Mama 乘坐的迷你火車




Papa話呢D係duckie! 其實我嗰日仲睇咗好多其他動物, 例如: 山羊, 雞, 兔子, 野豬, 等等!


講個秘密你地知吖... 我在相片中穿的是在香港的Uniqlo買... 又著得我幾好睇喎... 嘻嘻~~~



至於今日, Papa & Mama 就帶我去睇新車... 不過只係睇, 仲未買! 唔知幾時買呢?! Mama 架車冇冷氣, 好熱呀~~~ 好彩有舅母寄來的竹墊, 感覺才好些~~~

明天, 就係另一個新的開始lu~~~ 我要好似表姐咁去托兒所玩! Mama 話我大個女了, 唔可以成日留在家中做温室小花喎!!!

迎紫生活隨拍 (24)

Mama, 我同auntie...


企响度玩好開心...


剛剛俾Mama影到我正在打噴嚏tim~~~ Haha!!!



污糟猫食飯都要講台型?!?


食到成面都係飯..




今次從sofa邊偷偷地爬出來...


真係想欄都欄唔住... 冇符!!!


又俾Mama捉到我爬出來tim~~~

Video: 紫紫愛走路

這個短片係今晚拍攝o架~~~

托兒所: Gradual Entry

下個星期一我紫紫B就好似靜怡表姐咁, 開始去托兒所了. 所以在上個星期五同今個星期一, Mama帶我去Daycare兩個小時, 熟習吓環境. 那兩天我的表現好掂!!!

第二次去的時候, 由嗰度個caregiver喂我, 之後帶我同其他小朋友出去散步, Mama 全程都唔在場架~~~

明天同後天都要去Daycare, 會去耐D, 話要試吓我能否在新環境瞓覺喎~~~

吶! 以下圖片就係上星期五我第一次去daycare時拍的.

Videos: 紫紫自己推開圍欄爬出來

Mama覺得上次個blog嗰兩張我推開圍欄爬出來相片唔夠說服力, 話要拍低一條短片, 有片俾人睇先得喎~~~

迎紫生活隨拍 (23)

你們估唔估倒我想做什麼呢? 給你們一些提示: 看看圖中的右下角, 是什麼呀?! 想到了沒有?


哈哈! 開估啦...

看我幾叻!!! 我會自己推開個gate靜靜雞爬出來... Mama成日要睇實我! 其實呢, 每次我拉了屎之後, 就會這樣出來揾Mama同我換尿片架啦...



我懂得自己拿起奶瓶飲奶!



這是我今晚的晚餐. 有稀飯, 雞肉, 蛋黃同迷你紅蘿蔔! 那些稀飯好有味道, 因為Mama用煮過菜的湯水來煲飯~~~



訓練緊手指仔拿起細小的食物來吃.



邊吃邊玩...


這是什麼?!!! (係叉呀!)